Chum verbii: Guggerbeizli a de Chilbi Eschebach 2022. Neu au am Sunntig.

05.10.2022

Chum verbii: Guggerbeizli a de Chilbi Eschebach 2022. Neu au am Sunntig.

Mir händ eu vermisst. Und leged drum gad no en Tag obedruff: Am Sa. 15. und So. 16. Oktober dörfemer eu ändlich wieder im RSE-Guggerbeizli a de Chilbi zEschebach begrüessä.

Sie läbt na, die liebi Chilbi. Nach 2 Jahr Pause freuemer üs umso meh, dich am Sa 15. und So 16. Oktober 2022 i üsem Beizli willkommä z heissä. Wie die ganz Chilbi händ au mir es neus Konzept (und natürlich au es paar altbewährti Klassiker) am Start. Dich erwartet:

  • gmüetlichi Stimmig im grosse RSE-Zält und Unterhaltig mitem Duo Tweralpspitz
  • die legendäri Carajillo-Bar
  • feins zÄsse mit Tisch-Service bis spot id Nacht
  • als Premiere en gmüetliche Früehschoppä am Sunntig abem 10 Uhr
  • und mit es Bitzli Glück sogar na en Uftritt vo de Riesling Schränzer ;)

Mir freued üüs uf eu!

Nemo – 5. Oktober 2022